الى كل صديقة انصحكم بقرائته<الدنيا حلوه واحلى سنين بنعيشها وحنا ياناس ايجابييين !!

مرحبا ..
بعد تفاعلكم المنعش لموضوع ( والله اني يادرب القلق والذبول مشيتك لين حد الثمل)

لمست حاجتين في اغلب الردود ..
واللي هي انه فعلا بدينا نفقد المتعه بالحياه ونحس اننا تايهين ماندري لوين نوصل وكيف ..
وكمان لقيت انه احنا بحاجه لاطلاع اكثر لكيفيه اداره عوالمنا الداخليه وتصالحنا مع انفسنا وتوجيه تفكيرنا ونفسياتنا لمسار اكثر صحه واستمتاع ..
تذكرت مريم نور اذا قالت وفيك انطوى العالم الاكبر

احيانا اذا جبتي سيره المتعه بالحياه اول شي يردون عليك انه هالدنيا شقى ومافي احد مرتاح والمفروض مانتمتع بحياتنا لان هذا ترف ولازم نكون جديين واهم شي العمل للاخره وهالدنيا وصخ ووووو

هالكلام تعودت اسمعه من مجالس الحريم .. وهو صحيح لكن خاطئ بالمفهوم والتصور .. شلون ؟
يعني لما تقولين لي ان الدنيا شقى اقولك فعلا هي كذا بس هل مفروض علي اعيش بشقى ولا عندي أي قدره اني اقلل هالشقى او احوله لراحه ؟
وكمان العمل للاخره والعباده هي بحد ذاتها استمتاع ولذه وسكون روحي .. وماتلاقين سعه الصدر وانشراح الخاطر الا عند اللي له علاقه بربه قويه ..
بس هل حنا ياللي نتعبد نجد الراحه ؟ او اننا يانتعبد بالافعال وبقلب لاهي او نشدد على انفسنا باسم الدين وننسى نصيبنا من الدنيا ؟
مافي احد مرتاح !! ليش طيب ؟ ماراح اعممم واقول الناس لا انتي وانا ليش مو مرتاحين ؟ واصلا كيف نرتاح !! ؟

ولا تقولك المتعه بالفلوس والسفر واني اصير بيضاء !!
تخيلو انه في كثير منا حابسه سعادتها بقفل انه اصير بيضا !! او طويله !! او نحيفه
يعني السمراء ماتعيش سعيده ومتمتعه بحياتها ولا القصيره ولا الدبدوبه !!
طيب انا بنت ناس حالتنا الماديه عاديه هل لاني مااقدر اسافر ومامعي فلوس للكماليات يحكم علي بالتعاسه طول عمري !!

طارق الحبيب يقول علمتني الحياه ان احول مزايي عيوب !! يعني شلون ..
من باب السمارمثلا .. بالله ماتحسون ان بيونسيه اكثر جمالها بسمارها ؟ هي مااعتبرت لونها عيب بالعكس حطته ميزه تميزها عن بقيه نساء العالم ..

و ان السؤال المهم .. كيف اكون سعيده بكل حالاتي ؟؟ مهما كان شكلي ومهما كنت بنت فلان وزوجه فلان وباي مكان بالعالم عايشه ..

مفتاح السعاده بحاجه وحده اساسيه وهي كيف اكون ايجابيه وتفكيري ايجابي .. لانه نوعيه افكارك هي اللي تصنع حياتك !! كل انجاز واختراع بالعالم بدا بفكره !!
-قال أحد حكما الهند لتلاميذه : " اننا لا نستطيع منع العصافير من التحليق فوق رؤوسنا ولكننا نستطيع منعها من بناء أعشاشها فيشعرنا . وهكذا ينبغي أن نحارب الأفكار السيئة ولا ندع لها فرصة التعشيش في رؤسنا البتة .

بتجي وحده وبتقول لي لا السعاده بعباده الله بس اقولك ياقلبي انتي صح كلامك بس حتى وانا اتعبد كيف اكون ايجابيه !!
كيف وانا اعبد ربي اعبده على انه حبيبي يبادلني الحب رب رحيم بي يسمعني يهتم لامري يساعدني يسهل علي اموري .. هو قريب مني يسامحني اذا اخطيت وينتظرني الاقيه كل يوم اكثر من مره ماتاخر عليه واكون مستمتعه بلقائي وخلوتي معه ومااحب موعدنا ينتهي .. اعبده وانا عارفه انه بيدخلي الجنه وموقنه بكذا لانه قالي انا عند حسن ظنك بي ..
مااعبده وانا اخاف من عقابه وجبروته وناره ووو هي اشياء ماننكرها في الله الجبار وشديد العقاب لكن انا لا بعبده بحب ورجاء وخوف على زعله مني مع احسان الظن انه رؤووف ورحيم بيسامحني علطول علشان كذا مااقدر ازعله ابد ..
بكذا اكون ايجابيه بعبادتي وعلاقتي مع ربي كذا اكون حريصه على العباده من قلب واحب الله قبل أي شخص بالدنيا ومايكون عندي نقص عاطفي استجدي الضعفاء من البشر يسدونه !!
بكذا تغيرت فكرتي للعباده بدال ماهي خوف صارت حب ورجاء !! مو بكذا انا اتعبد باكثر متعه !!

بعلم النفس من الخطاء امر المراهق للصلاه او العباده عن طريق التخويف لالا المراهق باوج عواطفه ومشاعره لذالك حببي له العباده يكون حبيب لها !!

ومتى مااستقرت عواطفي استقرت نفسي وصرت اكثر هدوء وحكمه واستمتاع بالحياه ..



كيف نكون ايجابيين بالحياه
لما تكون افكارنا ايجابيه بالبدايه مع نفسي ..
من الظلم انك تنتظرين الاشباع النفسي مع الاخرين .. سواء اخت او زوج او صديقه او ولد لا تعلقين امال استنهاض سعادتك على احد مهما كان انتي وحدك مسؤوله عنها

مثل بعض الحريم دايم تتشكى على صديقتها او للناس انها مضلومه وزوجها مايعاملها كويس واولادها مايهتمون ولايحترمونها ووووو .. هذا كلام ضاهري لكن قصدها اهتمي بي حبيني اناضعيفه انقذيني !!
وتلاقين سبحان الله هالفئه من الحريم مالهم اهميه بالمجتمع ولا عند صديقاتهم لان الناس ماتبي الشكاي اللي يجيب لك طاقه سلبيه بهمومه .. حتى زوجها واولادها ينفرون منها وحتى اهلها !!
يمكن يجاملونها وياعمري ويهتمون لامرها مره مرتين لكن طول العمر !!
بتلاقين تدريجيا بينفرون الناس منها وتلاقينها تلاحقهم تستجي العواطف والاهتمام !! وحتى لو لبست الالمااس وارقى الماركات ماتزهى عليها .. ولا تبين !!
بتقول وحده انا اهتم بلبسي واروح لافخم المشاغل ومع ذالك مالي حضور بالمجالس !!بقولك ياقلبي هل شفتي داخلك قبل ؟
بس شوفي لو وحده واثقه من نفسها قليل تتكلم عن اشياء سلبيه بحياتها او تتكلم عن مشكلتها كمشكله واجهتها وتسعى لحلها .. وتحسين لها عالمها وطلعاتها ومشاويرها وتجاربها بالحياه تلاقيننها تعرف افضل المنتجات بالديكور والطبخ والمحلات وووو
ليش ؟ ولو تلبس قميص روز تحسينه فخم !!

لانها تفرغت لنفسها وماحطت اهتمام العاطفي من قبل الناس همها .. كل هدفها تكسب احترامهم وودهم فقط .. وفعلا نالته ولها بالمجالس كل احترام وتقدير

اذا كيف اشبع نفسي واكتفي عن الاخرين بمشاعري ..
بقولك باحبيبتي بطلي لعب دور المضلومه .. لاتشكين الامن ترجين عنده الحل ..
بتقولين بفضفض ابرتاح بقولك جربتي تكتبين بورقه كل اللي ببالك وتحرقينها ّ! ولامن شاف ولا من دري
او ع الاقل فضفضي لصديقتك مو لعامه الناس ومو دايم .. بس لما تحسين فعلا انك حاجه لمين يسمعك ..

اهتمي بنفسك ..
غيري نظرتك لذاتك قدريها علشان تكونين شمس وتعكسين هالاشياء نور عليك ..

انظري لنفسك انك قويه لانه صحتي كويسه لاني تعلمت لاني مطلعه أي مشكله قادره اتغلب عليها بانه مااكبرها .. احاول احلها بنفسي لاني قدها وقدود واذا احتجت استشير عندي اهل صديقات نت كتب اشخاص ذوي اختصاص العالم فاتح ايديه لمساعدتي ليش اضيقها ؟

اهتمي بنفسك .. وبغذائك اعتني بجمالك كوني انثى حقيقه لاتكونين كيم ولا هيفاء ولا اشوريا .. لالا كوني انتي بجمالك الخاص فيك اللي مااحد يشبهك فيه ..
كثير يشكون انه البنات الحين صارو زي بعض نفس الستايل والحركات !1 هذا لانهم اسيرات التيار العام مافي وحده منهم سالت نفسها انا فلانه وش احب ؟ ذوقي كيف ؟ وش يناسبني ومايناسب غيري .. اتميز بكوني انا مش ريهانا او فكتوريا

وبالمملكه مواضيع طبي واختاري .. واسئلي .. مالك عذر ابدا ماتكونين جميله ..

لاتوقفين عند شي ابد .. سمرا ؟ مهو اساسا اغلب جميلات العالم وسيدات الموضه والنجمات سمر !! هل عاقهن هالشي .؟
قصيره ؟ انوثه وجمال ومهما تقدمتي بالعمر تضلين صغيرونه وكل من شافك يستلطفك .. وتطلعين كتكوته بعين زوجك ..
دبدوبه .؟ خفه دم وضرافه وسعه صدر يالله من فضلك ماعاق اوبرا لاتكون اشهر مذيعه بالعالم سمنتها !! ولا باسكال شهرتها وجمالها ... ولا هيا الشعيبي خفه دمها ولا فوزيه الدريع من علمها ولاولا
اكواع ركب حب شباب شعر منفوووش تقدرين ومن حواضر البيت وبمواد بسيطه تطلعين تلقين وشعر حريري ومافي مجال اكتب وصفات لان المملكه ملياااانه بس انتي خلي عنك العجز والكسل تطلعين تلقين ..

غيري نظرتك لذاتك لا تحكمين عليها بالعجز او الفشل مهما كان حاولي حاولي حاولي .. مهما كان عظم المشكله اللي تواجهك .. لاتستسلمين لاتركعين لا تيئسين .. بكل ضيقه دوري الفرج من وين يجي .. ( ان مع العسر يسرا ان مع العسر يسرا ) مافي ضيق بالدنيا مابعده فرج هذي حتيميه ربانيه اكيده

احيانا تحسين ان مشكلتك معقده مالها حل .. وتلاقين لماتنزلينها مثلا بالمنتدى تلاقين الردود تبسطها ولك وتناظر جوانب ماشفتيها وتحدد لك الحلول وتنعرض لك تجارب كثيره !
! اذا لا تغلقين شي حكم انه ماله حل ابدا يمكن انتي مو شايفته لكن الحل موجود دوري عنه اكثر بكل مكان .. اقري عن مواضيع ذات صله بمشكلتك استشيري اخصائيين مو تشكين بالمجالس لااا ناس فقط بوسعها تساعدك

رددي انا قويه .. انا قادره .. انا قدها .. ( اللهم اني اسالك الثبات بالامر وعزيمه الرشد )

ابدي يومك بتفائل وقولي راح اكون هاليوم سعيده وواثقه ومرتاحه .. واذا واجهتني صعوبه بكون هاديه ومرنه وبحاول احلها بهدوء ..

كوني مسؤوله عن افكارك لاتنتظرين العالم يتغير لاا كوني انتي التغير اللذي ينتظره العالم

قيمي وضعك الحالي ..
فكري بالايجابيات اول شي ثم بالسلبيات ثم اسئلي نفسك هل فعلا تعاستي وضيقه صدري مبرره ؟
او اني مكبره الموضوع .؟
واصلا ماسعيت اني اصير مستانسه ومبسوطه ؟
طيب وشي مشكلتي بالضبط ؟
سبحان الله اذا حددتي مشكلتك بالضبط عقلك يقدر هنا يحلها ويصورها لك على انها مشكله تافهه ماتستحق كل هالاهتمام
مايخرب علينا الا انه انا تعيسه وبس طيب ليش ؟ هنا المفيد
طيب هل فعلا الامور اللي خلتك تعيسه انتي قادره على تغييرها .؟
اذا ايه طيب وش تنتظرين للحين ماغيرتيها ؟؟؟
واذا لا خلاص ليش محمله نفسك ذنب شي مو بيدك اصلا ؟

لاتقولين مااقدر .. شيلي من قاموس حياتك انا مااقدر هذي .. انتي تقدرين طول ماصحتك كويسه وعقلك براسك تعرفين خلاصك ..

تعودي تناظرين الجانب المليان من أي شي بحياتك ..
وبكل موقف .. حاولي تناظرينه بشكل ايجابي ..
مثلا انا لما دخلت هنا انبسطت لما جتني بعض التقييمات يمكن كان عندي 200 نقطه ومره مستانسه بهم زي أي عضوه جديده بالاقلاع ويمكن من شهرين او ثلاث ماتحرك هالتقييم ..
وفجاه لقيت تقييم احمر خسف بي لحد 55-
ضاق صدري وليش كذا ووش سويت .. وحطيته بتوقيعي ارد على اللي مقيمني من حر مااوجس قهررني
عاد جتني تقيمات ووصلت لفوق 2000 !!
لما شفتها ضحكت قلت رب ضاره نافعه !! يعني اخذت التقييم الاحمر على انه نهايه الدنيا وضاق صدري ولازم ارد وافكر وش اقول وانسخ وارفعه بالتقييم بس مافكرت انه هالتقييم بيكون سبب لي ب 2000 نقطه !!

لذالك اذا جتك مشكله لاتجزعين مهما كانت تروي .. وتعاملي حكمه واعرفي حق اليقين ان بعده فرج لان الله يقول ( ان مع العسر يسرا ان مع العسر يسرا ) كررها مرتين ورا بعض لتاكيد ..
ويمكن تكون هالمشكله تفريج لامر انتي ماتوقعتيه ابد ..
الرسول يقول ( عجبا لامر المسلم كله خير .. ان اصابته سرا شكر فكان خير له وان اصابته ضرا صبر فكان خيرا له )

لاتعميين ابدا ولا تمشين مع التيار السلبي.. اذا قالو الدنيا خربت والناس صارو شينين والرجال خاينين والبنات قليلات حيا
اوقفي قولي لا لازال الخير موجود الين تقوم الساعه ولازال فيه صلاح وهدايه وناس تطهر الارض اللي تمشي عليها
ودنيانا الحمدلله كل مالها تنفتح لخدمتنا اكثر بالتكنولوجيا والتقدم الطبي وبكل شي ولازال فيه شباب تفتخرين انهم سعوديين وعرب ولازال فيه رجال طيبين وصاينين انفسهم وزوجاتهم وحنونين على اولادهم
وبنات مثقفات ومحترمات مايسترجي أي عابث يناظرها ..

ولازالت المساجد ترفع بالاذان .. والمصاحف تطبع وتقرا والناس يدخلون بالاسلام بارقام كبيره سنويا حول العالم ..

ابتعدي عن أي انسان سلبي .. عن الاخبار السلبيه .. وقصص الحزن ..

احاول دائما اتجنب الناس اللي ييشكون واللي تنشر غسيلها ومشاكل زوجها عند الناس
واقعد اسبوع مااتابع أي اخبار سياسيه او اقرا جريده عدا جريده الرياض علشان مقال فهد الاحمدي

.. واحيانا اتابع افلام كرتون !
صدق والله تحسين عالمهم خيالي ملون مثل قناه براعم توسع الصدر الوانها ومسلسلاتها وهذاك يزيد ياني استانس اذا راح للمدرسه وغنا ( اصدقائي أين انتم هههههههه
مااتضايق لما اقول اني اتابع افلام كرتون لاني حقيقه ابي اطلع عن عالم الواقع شوي لعالم خيالي مريح
وعلطول اغير القناه اذا شفت مسلسل خليجي عارفه ان قصته حزينه ثلاث ارباع المشاهد حزن وبكا ودموع فوش لي بالهم

واذا جاني ايميل من عنوانه اذا فيه صور مؤلمه او قصه حزينه احذفها قبل اقراها

يعني الايجابيه هي مفهوم حياتي كامل .. مش ايجابيه بموقف معين او عمر معين
لا اسعى ان حياتي كلها تكون ايجابيه ..
واسعى لكل يوم يكون عندي لمسه ايجابيه .. يعني اليوم استغفرت 100 مره روووعه هذا شي ايجابي .. ايجابيه دينيه
اليوم قريت كتاب .. وووا هذا ايجابي .. ايجابيه فكريه
اليوم دقيت على خالتي اسلم عليها .. ياسلام هذا شي روعه وايجابي تواصل اجتماعي
اليوم تحممت ودلعت نفسي ببانيو منعش .. ياسلام عليك يايجابيه انتي ايجابيه ذاتيه ..
وكذا يعني نخلق الاجابيه عندنا بكل يوم حتى لو كانت صغيره مايهم اهم شي مايروح يومي كذا ..

كلامي يطووول بهالمجال لاني اتلذذ فيه وابي انقل هاللذه لكم لكن اتمنى يكون ماكتبته كان كفيل لايصال الفكره اللي بطرحها وفائدتها

كتب انصح بقرائتها ..ا
التفكير الايجابي
جدد حياتك لمحمد الغزالي
تعلم التفاؤل
اجعل حياتك سعيده
وكلها من مكتبه جرير

بعض مقاطع اليوتيوب ..

معنى الايجابيه للدكتور سلمان العوده
https://www.youtube.com/watch?v=j_EUVq8BpnU

برنامج بر الامان عن الايجابيه

https://www.youtube.com/watch?v=wx5Pl...eature=related

المقاطع لها اجزاء متفرعه تابعوها مااقدر احطها هنا يصير زحمه
~من بريدي~

سلمت يداك

ربي يسلمج
واسعدني تواجدج بصفحتي اللي نورت بوجودج..

مشكورة وماقصرتي ياعسل

العفو حبيبتي..
ما عليكم قصور ..
يسلمو على المرور منورين..

الصرااااااااااااحه موضوع رووعه عن الصدااقه

تسلم يدينك يالغلــــــــــــــــــــآ

ربي يسلمج..
نورتي صفحتي بنوررج غلاتوو..

يسلموووووووووووووووووووووووو يعطيك العافية

ربي يعافيج
نوررتي

مشكوره يا اومى على الموضوع التحفه

العفو حبيبتي نورتي موضوعي يا الغلاااا وربي انج عسولة تسلمين على المرور الزاهي بعد قلبي..

انتى اللى قمر
يا قمر

انتى اللى كلك ذوق يا قمر

^^

^ ^

مشكورة تسلمي دايما بمواضيعك الجميلة

ثااااااااانكس
تقبلي تحيااااااااتي

مشكوره ع الموضوع الرائع..!

تحياتي: ميثه