تعالى اعملى لوشن

احلى صباح على احلى بنات وصباح العسل يا قمر وصباح الورد على كل قسم سيدتى بنوته بنوته :mood9:

بعد كل الصباحات الكتير دي جايبالكوا موضوع يارب يعجبكوا بصوا بقااااااااااااااااااااا :mood19:

موضوع النهاردة طالب منك مشوارين بس اولا: الاستاذ العطار ربنا يديله الصحة هو اللي مظبطنا :mood2:


ثانيا :: اي صيدلية كبيرة اوك كدة يا بنانيت

هنبدأ بسم الله ::

هانروح للعطار نقوله يا عمو ممكن تديني ازازة [URL="http://forums.fatakat.com/thread1655496"]زيت اللوز[/URL] وازازة ماية ورد اتفقنا ؟؟؟

وبعدين تاخدي بعضك وجري عالصيدلية تقوليلة ممكن يا دكتور زيت جلسرين وخدي بالك زيت مش كريم جلسرين الزيت اللي بنجيبه في الشتا للقشف طبعا عارفينه ههههههههههههه

وكمان كريم جوليسوليد وهتلاقيه برضه عنده والكريم ده ريحته خفيفة جدا عشان كدة بقا لما نحطله اي عطر عايزينه بيقبل علطول قشطة كدة :mood5:

طيب نخش عاللي بعده هتسأليني احنا كدة خلصنا عمو العطار وعمو الدكتور ومفهمناش حاجة هقولك اصبر ي هاتجيبي علبة فاضية زي علبة كريم وتنضفيها بمية سخنة وتسيبها تنشف هتحطي 5 معالق او 6 زيت لوز وتضيفي معلقتين او 3 مية ورد براحتك بس مش معلقة اللي بنغرف بيها الرز مثلا :mood10::mood1: لالالالالالالالالالالالا اصغر معلقة شاي في البيت وتظبطي بيها اتفقنا هاتحطي نقطتين زيت الجلسرين بالقطارة او معلقة منه تمام وبعد كدة بقا معلقتين من الكريم جوليسوليد هتقلبيهم نص تقليبة ولســــــــــــــــة مش خلصنا

انتي كدة عملتي الاساس بتاع [URL="http://forums.fatakat.com/thread1655496"]اللوشن[/URL] طيب مش عايزة تضيفي عطور او ريحة معينة ده بقا بيرجعلك

طيب نفترض انتي بتستخدم عطر غالي وماركة وعايزة اللوشن يبقا نفس ريحته هتقومي رشة عليه 5 او 6 رشات بلاش بخل هااااااااااااااااااااااا وتقلبي تاني الخلطة ع بعضيها وتقفلي العلبة كويس اووووووووي

انا بقا عملت ايه حطيت بعد النص تقليبة دهن العود ( عارفينه العود الخليجي ده فظيييييييييييع ) حطيت وقلبت وقفلت العلبة وفي ايدك تزودي او تقللي حسب انتي عايزة اللوشن تقيل ولا خفيف وممكن تعملي الاتنين يبقا واحد بالنهار وواحد بليل ** ملحوظة العود الخليجي هتلاقيه في اي محل عطور في مصر وممكن تجيبيه خام كمان تمام يا قمرات

حاجة تالتة بقا ممكن تشتري من عند اللي بيركبوا العطور الخام بتاع اي عطر انتي بتحبيه ( الخام فقط ) وتخليه بقا للوشن بتاعك وممكن تجيبي خام الياسمين والخامات بتاعة الحاجات الطبيعية تعمليها ف البيت برضه وتخليها بعد الشاور

طيب كلكوا عارفين اني عاشقة للفراولة وحضرتك دلوقتي عايزة لوشن فراولة وده بقا يا سلام للمتجوزين اوعـــــــــــى تاني يوم هتدعيلي هههههههههههههههههههه:mood3:

هتعملي ايه يا بنوته هاتروحي لعمو العطار تاني تقوليله معلش غلست عليك اديني زيت الفراولة ايوووووووووون والمصحف فيه زيت فراولة وتضيفيه للخلطة وهيبقا فلة شمعة منورة

اضافة صغننة مني للخلطة حطيت نص معلقة من الفيكس :mood18: ايوووووووون متستغربوش حد نصحني بيها وفعلا جبارة ريحته هتستخبى بس هتخلي اللوشن ريحته تثبت ويبقا دهني اكتر ع الجسم اول ما تدهني بيه وبعد كدة جسمك هيشربه بسهوووووووووووووووولة قشطة ولا لا :mood19:

وجربي وهتدعيلي ولا سخنا عالنار بقا ولا عملنا حاجة صعبة ولا في اسم ف الوصفة ملعبك خالص روحي للعطار وهو هيديكي كل ده

وجربي وقولي رأيك ومتنسوش الرد يا بنات



وادي يا بنوته انتي وهي الاساس بتاع اللوشن ومفيش اسهل من كدة بقا والعطور او زيت الفراولة او دهن العود حاجة ترجعلك وانتي اللي تختاره بقا وقولتلك هتلاقيهم فين تمام يا قمر
منقول

شكرا ياقمر

العفو يا قمر
نورتينى